Kostproben:
 

Gedicht mit Nougschmooch

Es woar amal a Butterbrout
dees woar so frisch, dees woar so gout
Mir schmeckt dees Brout heit immer nu
beim Aafstoußn, so ab und zu
 

Eigsteigert

Es woar amal a finstre Nacht
döi hout si's Lebn niat leichter gmacht
"Wüll hell saa!" hout si gschria mit Zorn
und is dabei nu finstrer woarn
 

Fasziniert

Es woar amal a Ampelgröi
a bsonders Gröi, so wunderschöi
D'Leit san stöihat bliebn, hom gschaut
Wöi s' göih wolltn, woar's wieder Rout
 

Sölwa schuld

Es woar amal a Schwammerlsoß
döi woar so gout wöi nea grod wos
Drum is nix vo ihr iwrigbliebn
Siehgst: sie hout's goutsaa iwatriebn
 

Sich z'hölfn wissn

Es woar amal a schlimme Nout:
koi Erdepfl, koi Breckerl Brout!
Dou hom dann d'Leit einfach stattdessen
vül Reis, vül Fleisch und Nudln gessn